Torsdag 21. januar var ti elevar, ein miljøarbeidar og ein lokal lærar, Magnus Hatløy, på besøk til Møre barne- og ungdomsskule. Det vart ein innhaldsrik og givande dag for oss. Me heldt mellom anna andakt for ungdomsskulen. Det var gjennom eit dramatisert fadervår der me stoppa opp for kvar setning og kom i samtale med Gud, som faktisk henvender seg til oss. Kvifor ber me eigentleg fadervår?

Etterpå var det tid for kristendomstime med bibelforteljing og song for barnetrinnet. Me viste ein film om menneskefiskarar, song sman og dramatiserte saman den velkjende historia om den barmhjertelige samaritan. Veldig populært hjå borna å få vere med sjølve!

Til slutt hadde me ei såkalla KRIK-økt i gymtimen til 9. klasse i den nye flotte gymsalen. Her hadde me nye og spanande leikvariantar som menneskeleg kinasjakk, kraftklatreringen og Rybak-sisten. Prøv sjølv å forestille deg korleis den fungerar, om du "kryssar" Rybak med stiv heks-leiken!

Etter ei omvisning til fjøresteinane på Flø og sentrum, samt eit godt måltid balljegove, bar turen til Ulsteinvik bedehus der studentane og lærar Magnus heldt styringa på både presentasjon, opning, leiing, solosong, allsong og andakt. Det vart ei triveleg stund ilag, ikkje minst over kaffikoppen og kveldsmaten etter møtet - på såkalla kyrkjekvelds!

Kunne du tenkt deg å vere der? Velkomen skal du vere neste år!